मैत्री - सखा आणि सखीची

प्रत्येकाला एक सखी नी प्रत्येकीला एक सखा मिळायला हवा
जिथे नि:शंकपणे उघडून दाखवता येइल मनातल्या गुपितांचा ठेवा

पाठीवर कौतुकाची थाप नी खांद्यावर मैत्रीचा हात हवा
अव्यक्त राहून सुद्धा;  मैत्री माझी कायम आहे;  असा विश्वास द्यायला हवा

रुसून बसायचा, हट्ट करायचा मैत्रीनी दिलेला हक्क हवा
एखादा शब्द, नजर वा अबोला सुद्धा न सांगता समजायला हवा

सुंदरशा या नात्यामध्ये, मैत्री, आपुलकी, प्रेम नी  जिव्हाळा हवा
फक्त एकाच व्यक्तीच्या नाही, दोघांच्याही असण्याचा सारखाच सन्मान हवा

आणि कधीतरी तरी

केवळ सख्याच्या वा सखीच्या हक्काचा बाजूला काढलेला वेळ हवा

---- मनिष