मैत्रायदान

ऐसे शाळेतले मैत्र ! पुन्हा जाहले एकत्र !
गप्पा मारती नित्य ! अर्धांगांसहीत !!

अप्पाराव ते कविराज ! मुग्ध सुवर्णा चहाबाज !
असे हे प्रेमळ दांपत्य ! संगमी वाडा !!

धुणी भांडी ओटा लादी ! विदे करे सर्व काही !
वाचून थक्क होइ माई ! वाचा गेली !!

बॉडीबिल्डर पावशा भारी ! पावशी नाजूक शोभे नारी !
जाता पावशा कतारी ! सोसते विरहा !!

समीर वाटे देवभोळा ! परी माधुरीवरी डोळा !
मंजिरी भोळी गानकोकिळा ! पत्ता नाही !!

अमरचे क्रीडा पटुत्व ! सायलीची साथ त्यास  !
वास्तव्या ट्रम्प भूमीत  ! तेथून बोलती  !!

निसर्गप्रेमी विनय ! सवे भाग्यश्री चित्रकार !
असे कलाप्रेमी युगुल ! बंगळूरवासी !!

पुष्कर दंग पुण्यात ! मधून यामिनी ये गप्पास !
अजूनी जणू मधुचंद्र ! चालतो आहे !!

मुंगी फिरवतो डस्टर ! नेइ वीणेस फिराया दूर !
कितीकदा ते पर्यटन ! वाटे अचंबा सर्वा !!

हेमंत आणि भक्ती ! समाजसेवेत मग्न राहती !
परि कुटुंबाचे साथी ! जरी संवाद विरळा !!

मनिष चैताली गुजराती ! कोरे राज्य ओले करती !
सवे सामिष भोजना चापती ! मनी मराठीचा लळा !!
(गुजरात मध्ये राहणारे या अर्थी गुजराती)

ॲडमिनपदी परेश भाऊ ! पहाटे झोप रात्र जागवू !
सर्वांपेक्षा परि उत्साहु ! तयार करण्या दंगा !!

असे हे मैत्रायदान ! करूनी भगवंतासी नमन !
सुखी राहो सर्व जण ! एकची मागणे !!

-- मनिष मोहिले