वियोग

वियोग

करूनी जरी शकले दिलाची
गेला तुझा वियोग होता
दर्पणी माझ्या मनीच्या
मुखडा तुझा अभंग होता

बोचरा जरी काट्याप्रमाणे
सखये तुझा वियोग होता
माझिया श्वासात आठव
सुगंधी तुझा दरवळत होता

साथीची जरी तार तुटली
सखये तुझा वियोग घडता
आपुल्या प्रीतिगीतांचा
सूर मनी अबाधित होता

अश्रूंनी जरी भरले नेत्र
सखये तुझा वियोग घडता
जगतासमोरी माझा परि
मुखडा सखे हसराच होता

------ © मनिष मोहिले