अंतिम सत्य

समस्यापूर्ती उपक्रम 2

हेच होते जाणले मी सत्य अंती
चार खांद्यांचा पुरा व्यवहार आहे

या पंक्तींची माझी समस्यापूर्ती अशी -


अपुरे पडे आकाश ; पिल्लांस पंख फुटता
थकलेल्या पंखांवरती, घरट्याचा भार आहे

शुद्धता सिद्ध केली; करुनिया अग्निदिव्या
धोब्यांनीच * परि हा; भरला समाज आहे

(* हा रामायणावर आधारित प्रसंगानुरूप योजलेला शब्द आहे. तो कुठल्याही अर्थाने जातीवाचक हेतूने वापरलेला नाही.)

उद्धरे जगास अवघ्या; पाजे गीतामृताला
त्याच्याही अंगठ्यात; पारध्याचा बाण आहे

हेच होते जाणले मी सत्य अंती
चार खांद्यांचा पुरा व्यवहार आहे

प्रत्येक वसंताचा शिशीरात अंत आहे
परि झडती पाने तेव्हा (च); पालवीला जागा आहे

---- © मनिष मोहिले