आकाशाच्या अंगणामध्ये, प्रेमकहाणी एक अनोखी
रूप लेवूनी मेघांचे दो, वरुण क्षमेची रंगते प्रीती
रुपेरी कड प्रेमाची ती; कोंदण सजते जरतारी
आषाढाचे ऊन्ह कोवळे ; सौम्य सावळे रुपेरी
आतुरता ही दिसते नयनी; भेट होतसे वर्षानी
वर्षावाची प्रीतीच्या, उभी प्रतीक्षा मनोमनी
ओठ चुंबिता ओठांना; चमके मोदे सौदामिनी
वाजत गाजत वरात साजे; मेघसावळ्या मित्रांनी
मीलन होइ वरुण क्षमेचे; सृजनाने बहरे सृष्टी
सतरंगी हो मोद मनीचा; जलबिंदूतून प्रकटे तृप्ती
------ मनिष मोहिले
No comments:
Post a Comment