दोष

माझ्या खुळ्या दिलाचा काहीच दोष नव्हता
हसलीस मुग्ध तू नी, दिलाचा बोलबाला

तू चांदणफुली जणू गं, रातराणी गंधमदनिका
शोधात सुंगंधाच्या, मज झाली चांदणबाधा

केस तुझे कुरळे गं, सळसळले नागीणीसम ते
गंधित विळख्यात धुंद, मन बेहोष झाले माझे

तव नेत्र भावभरले, जणू डोह खोल प्रीतीचा
अन थांग लावताना, मी चिंब चिंब भिजलेला

तुझ्या मेहंदीचा गं रंग सुगंधानी रंगलेला
माझ्या तळव्यामध्ये ग तुझा मुखडा हसला

-------- मनिष मोहिले
@manishmohile.blogspot.com