ओढ

अशी ओढ आहे तुझी लागली
मला मी न माझा आता भेटतो

जरी दर्पणापुढे या, ऊभा मी असे
मला मी न दिसता, तुझीच प्रतिमा दिसे

सर पावसाची येता, मृद्गंध धुंद दरवळे
दरवळामध्ये त्या परि मी, तुला शोधतो

लखलखत्या तारकांनी,  हे गगन उजळले
त्या लाखोंमध्ये मजला,  तव मुखडा दिसे

मावळतीच्या किनाऱ्याचे, अद्भुत रंग ते
गगन फलकावरी, तुझेच मी गं चित्र काढतो

पहाटे थंड समीर, अंगी शहारा फुलवे
थंड समीरा परी त्या, मी तुला बिलगतो

अशी ओढ आहे तुझी लागली
मला मी न माझा आता भेटतो

---------- मनिष मोहिले