सहिष्णुता

देशाच्या सीमेवरती
अर्पितात प्राण कोणी
वाफा फुका मुखीच्या
आणि दवडतात कोणी

ना हाव प्रसिद्धीची
ना संपत्तीचा मोह
अद्भुत काम करताती
नाही कुठेच नाव

हे सितारे पडद्यावरले
जन डोक्यावरती घेती
अती सुख टोचते त्यांना
मुखी बोले विपरीत बुद्धी

देशासाठी झिजती मरती
सामान्य ही माणसे किती ती
बिरुदे धर्म जातीची
त्यांच्या देशप्रेमा न नडती

ही कोल्हेकुई दांभिक
थांबवा आता तात्काळ
जर असाल प्रामाणिक
डोकवा अंतरंगात

नागरी कायदा एकसमान
यावा म्हणून करा प्रयत्न
सहिष्णुतेवर बोलण्यासाठी
लायक तेव्हाच ठराल

------  © मनिष मोहिले
@manishmohile.blogspot.com