वेगळाले सोहळे

वेगळे सोहळे तुजसाठी मांडले - असं कोणाचं तरी whatsapp status होतं. त्यावरून 👇

🏻वेगळाले सोहळे

मातृभूच्या रक्षणा
तू आयुष्य आहे अर्पिले
तुझियासाठी मांडले
हे वेगळाले सोहळे

टाकण्यास्तव मान तुजला
मांड मातृभूची मिळे
तुझियासाठी मांडले
हे वेगळाले सोहळे

लपेटून पार्थिव देहा
मान तिरंग्याला मिळे
तुझियासाठी मांडले
हे वेगळाले सोहळे

टाहो नाही गर्जना
सलामी तोफांची मिळे
तुझियासाठी मांडले
हे वेगळाले सोहळे

ना तुला पर्वा स्वत:ची
ना प्रियजनांची असे
काळजी घेणे तयांची
कर्तव्य आमुचे असे

कर्तव्यच्युत आम्ही अभागी
तव त्याग ना आम्हा कळे
माथी तुझिया मारतो
हे वेगळाले सोहळे

------ © मनिष मोहिले