स्वप्नांच्या या दुनियेमध्ये
स्वप्नांच्या वाटेने जावे
स्वप्नातील सोनेरी क्षण ते
पूर्ण आयुष्य क्षणात जगावे
स्वप्नातील सोनेरी क्षण ते
आनंदाचे रंग ऊधळती
भावमेघ ते मऊ सावरी
कमान त्यावर सतरंगांची
भावमेघ ते मऊ सावरी
हलके हलके विखरून जाती
स्वप्नातही मग ईच्छा होई
जमविण्यास तो मोद सावरी
स्वप्नातही मग ईच्छा होई
जागृती ही आनंदी असावी
प्रमुदित जागृती मधूनी पुनश्च
स्वप्न दुनियेची वाट मिळावी
--्---्- मनिष मोहिले
No comments:
Post a Comment