चिऊताई

घरातल्या माळ्यावरच्या
घरट्यातल्या  चिऊताईशी
बालपणासून सलगी होती
झाली अजि परि दिसेनाशी

काड्या तुटल्या सुटले घरटे
पाणी संपले वाटीमधले
माळा झाला मोकळा आणि
मुके मुके घर उदासवाणे

आज परतूनी ईच्छा होई
चिव चिव पुन्हा कानी पडावी
घरामधल्या चिऊताईला (मुलगी)
एक सखी घरट्यात मिळावी

सांभाळायचे घर नी घरटे
करणे असे अन् संगोपन ते
गरुड भरारी रक्तात भिनावी
आभाळही मग ठेंगणे पडावे

------  © मनिष मोहिले
@manishmohile.blogspot.com