तुझा नी माझा गंध असावा
असा सुवासिक छंद असावा
अंगणामध्ये तुझ्या नी माझ्या
प्राजक्ती विश्वास फुलावा
शुभ्र प्रीतीचा सडा मोगरा
तन मनी आपुल्या बहरत जावा
तुझा नी माझा गंध असावा
असा सुवासिक छंद असावा
शुभ्र सुगंधी नात्यामध्ये
मंद धुंद निशिगंध रुजावा
काट्यांशिवाय दु:खांच्या अन्
ताटवा गुलाबी सुखवत जावा
तुझा नी माझा गंध असावा
असा सुवासिक छंद असावा
बागे मध्ये प्रीती तृप्तीच्या
अनुरागाचा राग गुंजावा
लेऊन लेणे पुष्पसुगंधी
रागिणीस नव छंद मिळावा
तुझा नी माझा गंध असावा
असा सुवासिक छंद असावा
------ © मनिष मोहिले
@manishmohile.blogspot.com
No comments:
Post a Comment