निरंतर

तुझ्या नी माझ्या नात्यामधली
अवीट गोडी उरो निरंतर

नजरभेट ही झाली अपुली
क्षणात मिटले मनात अंतर
तुझ्या नी माझ्या नात्यामधली
अवीट गोडी उरो निरंतर

आयुष्याच्या सारीपाटावर
खेळ रंगवे अपुले मैतर
तुझ्या नी माझ्या नात्यामधली
अवीट गोडी उरो निरंतर

हात तुझा हा साथ देतसे
आयुष्याच्या वेळी कातर
तुझ्या नी माझ्या नात्यामधली
अवीट गोडी उरो निरंतर

साथ अशी ही राहो सुमधुर
आठवणींचे दरवळो अत्तर
तुझ्या नी माझ्या नात्यामधली
अवीट गोडी उरो निरंतर

------  © मनिष मोहिले
@manishmohile.blogspot.com