हिमालयाची सावली

अहिल्या झाली शिळा देवत्वी राम पोचला
त्यागावे सर्वस्व परि लागले होते सीतेला

लक्ष्मणाच्या बंधुप्रेमाचा जगती झाला गवगवा
उर्मिलेच्या जीवनी भडके चौदा वर्षांचा वणवा

हरे स्वत:ला जुगारी तथाकथित तो धर्मराजा
मालकी ना स्वत:वरी तरी लावले पणी पत्नीला

बोधिसत्वाच्या तळी गवसले ज्ञान गौतमा
प्रपंचातूनी मुक्त कारण पाठराखी यशोधरा

मानसिकता नाही बदलली आज अजूनी आपुली
किती जरी कर्तृत्ववान, स्त्री हिमालयाची सावली

------ मनिष मोहिले
@manishmohile@blogspot.com